Far midadas en Voss DEP persunal existent

Vulais Vus modifitgar las configuraziuns u midar il purschider DEP? Quai stuais savair.

Agiuntar ina substituziun DEP


Agiuntar ina substituziun DEP

Instrucziun pass per pass

En tschertas situaziuns duvrais Vus ina substituziun DEP che s’occupa da Voss DEP persunal. Per uffants sut 16 onns u persunas inablas da giuditgar (sut curatella) sto la represchentanza legala stringentamain fixar ina substituziun DEP.

Dumondas da fixar ina substituziun DEP pon ins inoltrar mo per in DEP gia existent. Ins po dentant inoltrar al post d’avertura DEP il medem mument la dumonda d’avrir in nov DEP e la dumonda da fixar ina substituziun DEP (p.ex. il medem mument cura ch’ins avra in DEP per in uffants).

Tip da substituziun DEP

  • substituziun DEP che la possessura / il possessur DEP tscherna libramain (vegliadetgna minimala 16 onns)
  • substituziun DEP per uffants sut 16 onns
  • substituziun DEP per persunas sut curatella sur 16 onns (tenor l’art. 393 ss. CCS)

Dretgs e duairs da la substituziun DEP

Sco substituziun DEP da la possessura / dal possessur DEP avais Vus ils medems dretgs e duairs sco la persuna che Vus substituis. En spezial:

  • prender invista, memorisar e stizzar senza restricziun documents relevants per il tractament en il DEP da la possessura  /dal possessur DEP sco era dar ils dretgs d’access als documents DEP sin ils trais stgalims da confidenzialitad «access normal», «access limità» e «secret».
  • dar a persunas e gruppas spezialisadas dal sectur da sanadad ed ad instituziuns sanitaras che participeschan al DEP il dretg d’access als documents en il DEP da la possessura / dal possessur DEP.
  • stizzar da tut temp il DEP.

Per registrar il DEP a chasa duvrais Vus:

  • PC / laptop / tablet – il process da registraziun stuais Vus far cun in PC/laptop/tablet. Il telefonin duvrais Vus per il process da conferma.
  • stampader – la «Dumonda d’avrir in DEP» emplenida stuais Vus stampar e suttascriver a maun.
  • telefonin – cun in sistem operativ dad Android (versiun 6.0 u pli nova) u dad iOS (versiun 10 u pli nova) per il process da conferma. Vossa identitad DEP futura è colliada a moda segira cun il telefonin utilisà.
  • adressa dad e-mail persunala – (in’adressa dad e-mail po vegnir attribuida mo ad in DEP resp. ad ina substituziun DEP).

Cumprovar il numer da l’AVS (numer da l’assicuranza sociala):

  • carta da l’assicuranza da malsauns svizra (carta da la cassa da malsauns) UBAIN
  • certificat da l’AVS (attest da l’assicuranza sociala)

Cumprovar las datas persunalas:

  • carta d’identitad svizra (ID, carta d’identitad) UBAIN
  • pass svizzer UBAIN
  • legitimaziun d’esters en il format d’ina carta da credit per burgaisas e burgais da l’UE/AECL UBAIN
  • legitimaziun d’esters biometrica en il format d’ina carta da credit per burgaisas e burgais d’in stadi terz cun permissiun da dimora B, C, Ci, G u L UBAIN
  • legitimaziun d’esters en furma stampada (enfin il fanadur 2021) per persunas estras admessas provisoricamain u requirentas e requirents d’asil cun permissiun da dimora F, N, S UBAIN
  • pass ester (en cumbinaziun cun ina permissiun da dimora valaivla). Per pudair cumprovar l’identitad è necessari in ulteriur document d’identitad ester UBAIN
  • ulteriuras cartas d’identitad ch’il DFAE ha fatg (avrir in DEP sin basa da talas cartas d’identitad è pussaivel mo davart dal secretariat da l’uniun eSANITA a Cuira)

Cumprovar la represchentanza legala:

  • en il rom d’in dretg da la tgira dals uffants communabel sto vegnir preschentà il document d’identitad original u ina copia dal document d’identitad suttascritta a maun da la persuna betg preschenta al post per l’avertura da DEPs (suttascripziun visibla).
  • certificat da famiglia per pèrs maridads, renconuschientscha da la paternitad u certificat davart il stadi da famiglia registrà per pèrs betg maridads (ils certificats pudais Vus retrair da l’uffizi dal stadi civil da Voss lieu d’origin).
  • sentenzia da separaziun/document da divorzi giuridicamain valaivel per cumprovar il dretg da tgira
  • document da curatella da l’autoritad per la protecziun da l’uffant e da creschids.

 

Identitad DEP (MyTrustID) da la substituziun DEP:

  • Vus possedais gia in’identitad DEP (MyTrustID)
    Sche Vus possedais gia in agen DEP cun ina MyTrustID u sche Vus figurais gia sco substituziun DEP dad in’autra persuna e possedais ina MyTrustID, pudais Vus sursiglir quest pass. Vossa identitad DEP (MyTrustID) persunala pudais Vus era duvrar per la substituziun DEP da Voss uffant u d’ina terza persuna.
  • Vus na possedais anc nagina identitad DEP (MyTrustID)
    Sche Vus na possedais anc nagin DEP u n’avais anc betg fatg la dumonda d’avrir in tal, suandai il pass «Registraziun online per avrir in’identitad DEP (MyTrustID)».

Registrar online l’identitad DEP (MyTrustID)
Cun questa identitad DEP (MyTrustID) daventa il telefonin ina carta d’identitad digitala DEP che Vus stuais tractar cun grond quità ensemen cun Voss pled-clav persunal da MyTrustID (perdita / apparat defect).

Registrai Vossas datas persunalas tenor Voss documents d’identitad – attenziun: las datas ston esser identicas.

Cliccai sin il link e suandai ils pass:
Registrar online l’identitad DEP (MyTrustID)

  1. Chargiai giu l’app d’autentificaziun da MyTrustID en l’AppStore u il PlayStore ubain via il code QR da la pagina colliada.
  2. Faschai in conto tar MyTrustID cun Vossas datas persunalas tenor Voss document d’identitad tschernì.
  3. Sco proxim survegnis Vus in e-mail da noreply@trustid.ch cun in link da conferma.
    Il link è valaivel mo per in’ura.
    Avri il link en il navigatur-web per confermar Vossa adressa dad e-mail.
  4. Vus avais survegnì in SMS sin il numer da telefonin inditgà.
    Endatai il code en il navigatur-web e defini in pled-clav segir. En il futur duvrais Vus quest pled-clav persunal per acceder al DEP.
  5. Suenter che Vus avais definì il pled-clav vesais Vus in code QR en il navigatur-web.
    Avri l’app da MyTrustID sin Voss smartphone.
    Cliccai sin il plus (+) sisum a dretga e scannai il code QR.
  6. Voss telefonin è ussa collià cun las infurmaziuns per acceder al DEP. Vus avais retschavì in numer distinctiv da MyTrustID. Stampai il numer. Impurtant: il pass «Cumenzar la videoidentificaziun» na stuais Vus betg suandar. Quest punct vegn exequì, cura che Vus passais persunalmain tar in post d’avertura DEP.

Support per l’identitad DEP MyTrustID

En cas da dumondas tecnicas en connex cun Vossa identitad DEP (MyTrustID) consultai las FAQ da MyTrustID.

Sche Vus midais telefonin, stuais Vus l’emprim As connectar cun Voss telefonin vegl cun Voss conto MyTrustID per transferir Vossa MyTrustID sin Voss telefonin nov. Las infurmaziuns per far quai chattais Vus en l’instrucziun da MyTrustID.

Sche Vus avais pers Voss telefonin u sch’el è defect, contactai directamain il support da MyTrustID.

Dumonda da fixar ina substituziun per il DEP

Per endrizzar la substituziun DEP stuais Vus plinavant emplenir la «Dumonda da fixar ina substituziun per il DEP». Las datas persunalas inditgadas e quellas sin il document d’identitad ston esser identicas.

Sche Vus avais per quest intent registrà online ina nova identitad DEP (MyTrustID) – anc betg verifitgada d’in post d’avertura DEP uffizial – stuais Vus er inditgar il numer distinctiv MyTrustID dad 8 cifras sin il formular. Il numer distinctiv chattais Vus er en Vossa app da MyTrustID sin Voss telefonin.

Faschai ina crusch dasper il tip da substituziun DEP – al computer u a maun suenter che Vus avais stampà il formular:

  • substituziun per il DEP che la possessura / il possessur DEP po tscherner libramain (vegliadetgna minimala 16 onns)
  • substituziun DEP per uffants sut 16 onns
  • substituziun il DEP per persunas sut curatella sur 16 onns (tenor l’art. 393 ss. CCS)

Per motivs legals stuais Vus sco substituziun DEP e la possessura / il possessur dal DEP resp. la represchentanza legala (geniturs, procuratur/-a) suttascriver a maun il formular stampà.

En il rom d’in dretg da la tgira dals uffants communabel è necessaria la suttascripziun da tuttas duas possessuras / da tuts dus possessurs dal dretg da tgira.

Sche pliras persunas èn prevesidas sco substituziun per il DEP, ston ins emplenir per mintga persuna ina «Dumonda da fixar ina substituziun per il DEP». En quel cas è necessaria per mintga substituziun per il DEP in’atgna MyTrustID.

Tut tenor sche la possessura / il possessur DEP è en tractament staziunar u betg, la / al stattan a disposiziun differents posts d’avertura DEP:

  • Sco pazienta staziunara / pazient staziunar en in ospital u ina clinica en la Svizra Orientala As drizzais Vus al post per l’avertura da DEPs al lieu.
  • A l’ulteriura populaziun stattan a disposiziun filialas da la posta tschernidas en la Svizra Orientala.

N’emblidai betg ils suandants documents e las suandantas cumprovas:

  • dumonda da fixar ina substituziun DEP emplenida correctamain e suttascritta a maun
  • Voss telefonin cun l’app d’autentificaziun DEP (MyTrustID)
  • carta da la cassa da malsauns u certificat da l’AVS (attest da l’assicuranza sociala)
  • document d’identitad uffizial valaivel (pass, carta d’identitad, legitimaziun da persunas estras) da l’uffant e da Vus sco represchentanza legala (geniturs, procuratur/-a)
  • en il rom d’in dretg da la tgira dals uffants communabel sto vegnir preschentà il document d’identitad original u ina copia dal document d’identitad suttascritta a maun da la persuna betg preschenta al post d’avertura DEP (suttascripziun visibla)
  • cumprova da la represchentanza, p. ex.:
    • certificat da famiglia per pèrs maridads, renconuschientscha da la paternitad u certificat davart il stadi da famiglia registrà per pèrs betg maridads (ils certificats pudais Vus retrair da l’uffizi dal stadi civil da Voss lieu d’origin)
    • sentenzia da separaziun/document da divorzi giuridicamain valaivel per cumprovar il dretg da tgira
    • document da curatella da l’autoritad per la protecziun da l’uffant e da creschids.

Il post d’avertura DEP controllescha Vossas indicaziuns e fixescha Vus sco substituziun DEP.

Quai dura circa 10 fin 15 minutas.

Infurmaziuns d’access DEP

Suenter survegnis Vus in’instrucziun cun las datas d’access inizialas che Vus stuais colliar ina suletta giada – a chasa – cun l’identitad DEP (MyTrustID) persunala:

  • Sche Vus sco substituziun DEP possedais gia in agen DEP, pudais Vus tscherner sisum da maun dretg Voss agen DEP u il DEP che Vus administrais sco substituziun DEP (guarda «Co far diever dal portal DEP per pazientas e pazients»).
  • Sche Vus na possedais anc betg in agen DEP persunal, survegnis Vus in’instrucziun cun las datas d’access inizialas DEP da la possessura / dal possessur DEP che Vus stuais colliar ina suletta giada – a chasa –cun Vossa identitad DEP (MyTrust ID) persunala.

Access al portal DEP eSANITA

  • Sche Vus sco substituziun DEP possedais gia in agen DEP, pudais Vus tscherner sisum da maun dretg Voss agen DEP u il DEP che Vus administrais sco substituziun DEP.
  • Sche Vus na possedais anc betg in agen DEP persunal, avais Vus survegnì dal post d’avertura DEP in’instrucziun cun las datas d’access inizialas (num d’utilisader e pled-clav) al DEP da la possessura  / dal possessur DEP che Vus stuais colliar ina suletta giada – a chasa – cun Vossa identitad DEP (MyTrust ID) persunala.

Colliai Vossa MyTrustID cun il portal DEP dad eSANITA en trais simpels pass.


Suandai quests pass p.pl. entaifer 10 dis.
(Sche Vus manchentais quest termin, stuais Vus reactivar Voss conto d’utilisader DEP.)

Consultai l’instrucziun «Infurmaziuns per sa connectar cun il dossier electronic dal pazient (DEP)» che Vus avais survegnì dal post d’avertura DEP:

Pass 1:

  • Giai al portal DEP eSANITA.
  • Tscherni «num d’utilisader e pled-clav» sco «metoda d’access» ed endatai las datas d’access temporaras sin l’instrucziun «Infurmaziuns per sa connectar cun il dossier electronic dal pazient (DEP)» che Vus avais retschavì.

 

Pass 2

  • Tscherni en la glista da menus «MyTrustID» e cliccai sin «Vinavant». Tscherni lura «Pazient». Endatai ussa Vossas datas d’access persunalas (adressa dad e-mail e pled-clav confidenzial) che Vus avais fixà sezza / sez cun la registraziun da Vossa MyTrustID. Confermai l’annunzia sin Voss telefonin (autentificaziun bidirecziunala).

 

Pass 3

  • A partir dad ussa pudais Vus As connectar adina cun Vossa MyTrustID persunala cun Voss DEP persunal (autentificaziun bidirecziunala).

Utilisar il DEP a moda raschunaivla

Per pudair utilisar il DEP a moda raschunaivla duessas Vus suandar ils pass sutvart:

Verifitgai las datas persunalas sut «Configuraziuns persunalas»
Il DEP persunal è vegnì elavurà cun gronda premura. Verifitgai p.pl. tuttina spert che las datas persunalas sajan cumplettas e correctas. Intginas indicaziuns pudais Vus er adattar sezza / sez en il portal DEP.

Activar avis sut «Configuraziuns persunalas»
Vulais Vus survegnir in avis automatic, sch’ina persuna spezialisada dal sectur da sanadad acceda cun agid da l’access d’urgenza a Voss DEP persunal? U vulais Vus vegnir infurmada resp. infurmà, cura ch’ina nova persuna spezialisada dal sectur da sanadad vegn agiuntada ad ina gruppa autorisada? Per survegnir in avis per e-mail e / u in SMS pudais Vus adattar las configuraziuns correspundentas en il punct da menu «Configuraziuns / Avis».

Dar ils dretgs d’access ad instituziuns sanitaras u persunas spezialisadas dal sectur da sanadad responsablas:
Per ch’il DEP saja d’avantatg, duessas Vus permetter ad instituziuns sanitaras e persunas spezialisadas dal sectur da sanadad d’acceder a Voss DEP persunal. En il portal DEP eSANITA vesais Vus sulettamain las instituziuns sanitaras che sa participeschan actualmain al DEP.

Impurtant: Dai a temp ils dretgs d’access, per exempel avant che ir en l’ospital, per che las persunas spezialisadas dal sectur da sanadad autorisadas possian consultar ils documents che Vus avais dà liber en il DEP persunal! Quai pudais Vus far en la suandanta vista dal monitur:

 

Memorisar Voss documents medicinals persunals en il DEP:
A partir dad ussa pon las instituziuns sanitaras che sa participeschan al DEP metter a disposiziun las datas medicinalas relevantas per il tractament en Voss DEP persunal. Avais Vus documents medicinals pli vegls a chasa, sco per exempel rapports dal medi, prescripziuns da tgira u recepts actuals per medicaments? Era quels pudais Vus chargiar si e memorisar sco documents da PDF en Voss DEP persunal. Dapli infurmaziuns davart la sanadad ch’èn deponidas en Voss DEP persunal e pli nizzaivel ch’il DEP è per las persunas spezialisadas dal sectur da sanadad la proxima giada che Vus duvrais in tractament medicinal.

En il DEP persunal dastgan vegnir deponids sulettamain documents da sanadad da la possessura / dal possessur DEP. En cas che Vus vulais administrar datas medicinalas per ulteriuras persunas (p.ex. uffants, geniturs, persunas sut curatella u in’autra terza persuna), dovran quellas in agen DEP. Sche Vus na possedais anc nagin access al dossier giavischà sco substituziun DEP, pudais Vus dumandar da fixar ina substituziun DEP. Suandai en quel connex l’instrucziun pass per pass «Agiuntar ina substituziun per il DEP» sin nossa website.

Duvrar il DEP per deponer datas betg medicinalas è scumandà e po avair per consequenza ch’il DEP vegn deactivà.

 

Ulteriuras infurmaziuns chattais Vus en las FAQ sin questa website. En cas da dumondas tecnicas contactai il helpdesk DEP da la regiun Ost che vegn tgirà da la Posta CH SA.

Stizzar ina substituziun DEP


Stizzar ina substituziun DEP

Instrucziun pass per pass

Tant la possessura / il possessur dal DEP sco era la substituziun DEP sezza pon stizzar la substituziun DEP.

  • La possessura / il possessur DEP u la represchentanza legala pon stizzar la substituziun DEP, sche la possessura  / il possessur DEP dastga administrar sezza / sez il DEP (persunas ablas da giuditgar sur 16 onns).
  • La substituziun DEP sezza po stizzar la substituziun DEP, sche la possessura / il possessur DEP è abla / abel da giuditgar e ha pli che 16 onns u sche in’ulteriura substituziun DEP è già fixada (per uffants sut 16 onns u per persunas sut curatella).

Per registrar il DEP a chasa duvrais Vus:

  • stampader – la «Dumonda d’avrir in DEP» emplenida stuais Vus stampar e suttascriver a maun.

Cumprovar las datas persunalas:

  • carta d’identitad svizra (ID, carta d’identitad) UBAIN
  • pass svizzer UBAIN
  • legitimaziun d’esters en il format d’ina carta da credit per burgaisas e burgais da l’UE/AECL UBAIN
  • legitimaziun d’esters biometrica en il format d’ina carta da credit per burgaisas e burgais d’in stadi terz cun permissiun da dimora B, C, Ci, G u L UBAIN
  • legitimaziun d’esters en furma stampada (enfin il fanadur 2021) per persunas estras admessas provisoricamain u requirentas e requirents d’asil cun permissiun da dimora F, N, S UBAIN
  • pass ester (en cumbinaziun cun ina permissiun da dimora valaivla). Per pudair cumprovar l’identitad è necessari in ulteriur document d’identitad ester UBAIN
  • ulteriuras cartas d’identitad ch’il DFAE ha fatg (stizzar in DEP sin basa da talas cartas d’identitad è pussaivel mo davart dal secretariat da l’uniun eSANITA a Cuira).

Cumprovar la represchentanza legala, sche necessari:

  • represchentanza legala u represchentanza autorisada
    • per persunas ablas da giuditgar fin 16 onns: en il rom d’in dretg da tgira dals uffants communabel è necessaria la suttascripziun da tuttas duas possessuras / da tuts dus possessurs dal dretg da tgira. Sch’ina persuna cun dretg da tgira ha in auter domicil, sto stringentamain esser avant maun era ses consentiment en scrit per pudair stizzar il DEP.
    • en il rom d’ina curatella tenor l’art. 393 ss. CCS.
    • ulteriura autorisaziun giuridicamain valaivla.
  • Cumprovar la represchentanza
    • certificat da famiglia per pèrs maridads, renconuschientscha da la paternitad u certificat davart il stadi da famiglia registrà per pèrs betg maridads (ils certificats pudais Vus retrair da l’uffizi dal stadi civil da Voss lieu d’origin)
    • sentenzia da separaziun / document da divorzi giuridicamain valaivel per cumprovar il dretg da tgira
    • document da curatella da l’autoritad per la protecziun da l’uffant e da creschids.

 

Inditgai sin la dumonda da stizzar ina substituziun DEP las datas persunalas da Voss document d’identitad – al computer u a maun suenter che Vus avais stampà il formular.

Per motivs legals stuais Vus sco possessura / possessur dal DEP u sco substituziun DEP, e sche necessari la represchentanza legala (geniturs, procuratur/-a), suttascriver a maun il formular stampà.

Tut tenor sche Vus essas en tractament staziunar u betg, As stattan a disposiziun differents posts d’avertura DEP:

  • Sco pazienta staziunara / pazient staziunar en in ospital u ina clinica en la Svizra Orientala As drizzais Vus al post per l’avertura da DEPs al lieu.
  • A l’ulteriura populaziun stattan a disposiziun filialas da la posta tschernidas en la Svizra Orientala.

Cumprovas e documents:
Vus na stuais betg fixar in termin, n’emblidai però betg da prender cun Vus ils suandants formulars resp. las suandantas cumprovas:

  • questa dumonda da stizzar ina substituziun DEP – emplenida correctamain e suttascritta a maun
  • document d’identitad uffizial valaivel (pass, carta d’identitad, legitimaziun da persunas estras) da la possessura / dal possessur DEP (resp. da la represchentanza legala) u da la substituziun DEP
  • en il rom d’in dretg da la tgira dals uffants communabel sto vegnir preschentà il document d’identitad original u ina copia dal document d’identitad suttascritta a maun da la persuna betg preschenta al post d’avertura DEP (suttascripziun visibla)
  • cumprova da la represchentanza, p. ex.:
    • certificat da famiglia per pèrs maridads, renconuschientscha da la paternitad u certificat davart il stadi da famiglia registrà per pèrs betg maridads (ils certificats pudais Vus retrair da l’uffizi dal stadi civil da Voss lieu d’origin).
    • sentenzia da separaziun / document da divorzi giuridicamain valaivel per cumprovar il dretg da tgira
    • document da curatella da l’autoritad per la protecziun da l’uffant e da creschids.

Il post d’avertura DEP controllescha Vossas indicaziuns e stizza la substituziun DEP.

Quai dura circa 5 minutas.

Survegnir access al DEP


Survegnir access al DEP

Instrucziun pass per pass

Sche Vus possedais gia in agen DEP, n’avais però betg access, pudais Vus dumandar per in nov access.

Remartga: Il conto d’utilisader d’ina possessura  /d’in possessur DEP che vegn administrà exclusivamain d’ina substituziun DEP che na posseda betg in agen DEP, po vegnir reactivà mo cun la «Dumonda d’agiuntar ina substituziun DEP» (p.ex. per uffants sut 12 onns u da persunas sut curatella).

Per registrar il DEP a chasa duvrais Vus:

  • PC / laptop / tablet – il process da registraziun stuais Vus far cun in PC / laptop / tablet. Il telefonin duvrais Vus per il process da conferma.
  • stampader – la dumonda d’avrir in DEP emplenida stuais Vus stampar e suttascriver a maun.
  • telefonin – cun in sistem operativ dad Android (versiun 6.0 u pli nova) u dad iOS (versiun 10 u pli nova) per il process da conferma. Vossa identitad DEP futura è colliada a moda segira cun il telefonin utilisà.
  • adressa dad e-mail persunala – per avrir il DEP duvrais Vus in’adressa dad e-mail persunala.

Cumprovar il numer da l’AVS (numer da l’assicuranza sociala):

  • carta da l’assicuranza da malsauns svizra (carta da la cassa da malsauns) UBAIN
  • certificat da l’AVS (attest da l’assicuranza sociala)

Cumprovar las datas persunalas:

  • carta d’identitad svizra (ID, carta d’identitad) UBAIN
  • pass svizzer UBAIN
  • legitimaziun d’esters en il format d’ina carta da credit per burgaisas e burgais da l’UE/AECL UBAIN
  • legitimaziun d’esters biometrica en il format d’ina carta da credit per burgaisas e burgais d’in stadi terz cun permissiun da dimora B, C, Ci, G u L UBAIN
  • legitimaziun d’esters en furma stampada (enfin il fanadur 2021) per persunas estras admessas provisoricamain u requirentas e requirents d’asil cun permissiun da dimora F, N, S UBAIN
  • pass ester (en cumbinaziun cun ina permissiun da dimora valaivla). Per pudair cumprovar l’identitad è necessari in ulteriur document d’identitad ester UBAIN
  • ulteriuras cartas d’identitad ch’il DFAE ha fatg (avrir in DEP sin basa da talas cartas d’identitad è pussaivel mo davart dal secretariat da l’uniun eSANITA a Cuira).

 

Cun questa identitad DEP (MyTrustID) daventa il telefonin ina carta d’identitad digitala DEP che Vus stuais tractar ensemen cun Voss pled-clav persunal da MyTrustID cun grond quità (perdita / apparat defect).

Registrai Vossas datas persunalas tenor Voss documents d’identitad – attenziun: las datas ston esser identicas.

Cliccai sin il link e suandai ils pass:
Registrar online l’identitad DEP (MyTrustID)

  1. Chargiai giu l’app d’autentificaziun da MyTrustID en l’AppStore u il PlayStore ubain via il code QR da la pagina colliada.
  2. Faschai in conto tar MyTrustID cun Vossas datas persunalas tenor Voss document d’identitad tschernì.
  3. Sco proxim survegnis Vus in e-mail da noreply@trustid.ch cun in link da conferma.
    Il link è valaivel mo per in’ura.
    Avri il link en il navigatur-web per confermar Vossa adressa dad e-mail.
  4. Vus avais survegnì in SMS sin il numer da telefonin inditgà.
    Endatai il code en il navigatur-web e defini in pled-clav segir. En il futur duvrais Vus quest pled-clav persunal per acceder al DEP.
  5. Suenter che Vus avais definì il pled-clav vesais Vus in code QR en il navigatur-web.
    Avri l’app da MyTrustID sin Voss smartphone.
    Cliccai sin il plus (+) sisum a dretga e scannai il code QR.
  6. Voss telefonin è ussa collià cun las infurmaziuns per acceder al DEP. Vus avais retschavì in numer distinctivda MyTrustID. Stampai il numer. Impurtant: il pass «Cumenzar la videoidentificaziun» na stuais Vus betg suandar. Quest punct vegn exequì, cura che Vus passais persunalmain tar in post d’avertura DEP.

Support per l’identitad DEP MyTrustID

En cas da dumondas tecnicas en connex cun Vossa identitad DEP (MyTrustID) consultai las FAQ da MyTrustID.

Sche Vus midais telefonin, stuais Vus l’emprim As connectar cun Voss telefonin vegl cun Voss conto MyTrustID per transferir Vossa MyTrustID sin Voss telefonin nov. Las infurmaziuns per far quai chattais Vus en l’instrucziun da MyTrustID.

Sche Vus avais pers Voss telefonin u sch’el è defect, contactai directamain il support da MyTrustID.

Inditgai las datas persunalas che Vus chattais sin Voss document d’identitad sin la dumonda da (re)activar in conto d’utilisader DEP.

Inditgai il numer distinctiv MyTrustID che Vus avais survegnì era sin il formular – al computer u a maun suenter che Vus avais stampà il formular. Il numer dad 8 cifras chattais Vus er en Vossa app da MyTrustID sin Voss telefonin.

Per motivs legals stuais Vus suttascriver a maun il formular stampà.

Tut tenor sche Vus essas en tractament staziunar u betg, As stattan a disposiziun differents posts d’avertura DEP:

  • Sco pazienta staziunara / pazient staziunar en in ospital u ina clinica en la Svizra Orientala As drizzais Vus al post per l’avertura da DEPs al lieu.
  • A l’ulteriura populaziun stattan a disposiziun filialas da la posta tschernidas en la Svizra Orientala.

N’emblidai betg ils suandants documents e las suandantas cumprovas:

  • dumonda d’avrir in DEP – emplenida correctamain e suttascritta a maun
  • Voss telefonin cun l’app d’autentificaziun DEP (MyTrustID)
  • carta da la cassa da malsauns u certificat da l’AVS (attest da l’assicuranza sociala)
  • document d’identitad uffizial valaivel (pass, carta d’identitad, legitimaziun da persunas estras)

Il post d’avertura DEP verifitgescha Vossas indicaziuns ed avra Voss DEP persunal. Quai dura circa 5 fin 10 minutas.

Suenter survegnis Vus in’instrucziun cun Vossas datas d’access inizialas che Vus stuais colliar ina suletta giada – a chasa – cun Vossa identitad DEP (MyTrustID) persunala.

Vus avais survegnì las infurmaziuns d’access per acceder l’emprima giada cun il DEP (num d’utilisader e pled-clav).

Colliai Vossa MyTrustID cun il portal DEP eSANITA en trais simpels pass.

Suandai quests pass p.pl. entaifer 10 dis.

Consultai l’instrucziun «Infurmaziuns per sa connectar cun il dossier electronic dal pazient (DEP)» che Vus avais survegnì dal post d’avertura DEP:

Pass 1:

    • Giai al portal DEP dad eSANITA.
    • Tscherni «num d’utilisader e pled-clav» sco «metoda d’access» ed endatai las datas d’access temporaras sin l’instrucziun «Infurmaziun per sa connectar cun il dossier electronic dal pazient (DEP)» che Vus avais retschavì.

 

Pass 2

  • Tscherni en la glista da menus «MyTrustID» e cliccai sin «Vinavant». Tscherni lura «Pazient». Endatai ussa Vossas datas d’access persunalas (adressa dad e-mail e pled-clav confidenzial) che Vus avais fixà sezza / sez cun la registraziun da Vossa MyTrustID. Confermai l’annunzia sin Voss telefonin (autentificaziun bidirecziunala).

 

Pass 3

  • A partir dad ussa pudais Vus As connectar adina cun Vossa MyTrustID persunala cun Voss DEP persunal (autentificaziun bidirecziunala).

Utilisar il DEP a moda raschunaivla

Per pudair utilisar il DEP a moda raschunaivla duessas Vus suandar ils pass sutvart:

Verifitgai las datas persunalas sut «Configuraziuns persunalas»
Il DEP persunal è vegnì elavurà cun gronda premura. Verifitgai p.pl. tuttina spert che las datas persunalas sajan cumplettas e correctas. Intginas indicaziuns pudais Vus er adattar sezza / sez en il portal DEP.

Activar avis sut «Configuraziuns persunalas»
Vulais Vus survegnir in avis automatic, sch’ina persuna spezialisada dal sectur da sanadad acceda cun agid da l’access d’urgenza a Voss DEP persunal? U vulais Vus vegnir infurmada resp. infurmà, cura ch’ina nova persuna spezialisada dal sectur da sanadad vegn agiuntada ad ina gruppa autorisada? Per survegnir in avis per e-mail e/u in SMS pudais Vus adattar las configuraziuns correspundentas en il punct da menu «Configuraziuns / Avis».

Dar ils dretgs d’access ad instituziuns sanitaras u persunas spezialisadas dal sectur da sanadad responsablas:
Per ch’il DEP saja d’avantatg, duessas Vus permetter ad instituziuns sanitaras e persunas spezialisadas dal sectur da sanadad d’acceder a Voss DEP persunal. En il portal DEP dad eSANITA vesais Vus sulettamain las instituziuns sanitaras che sa participeschan actualmain al DEP.

Impurtant: Dai a temp ils dretgs d’access, per exempel avant che ir en l’ospital, per che las persunas spezialisadas dal sectur da sanadad autorisadas possian consultar ils documents che Vus avais dà liber en il DEP persunal! Quai pudais Vus far en la suandanta vista dal monitur:

 

Memorisar Voss documents medicinals persunals en il DEP:
A partir dad ussa pon las instituziuns sanitaras che sa participeschan al DEP metter a disposiziun las datas medicinalas relevantas per il tractament en Voss DEP persunal. Avais Vus documents medicinals pli vegls a chasa, sco per exempel rapports dal medi, prescripziuns da tgira u recepts actuals per medicaments? Era quels pudais Vus chargiar si e memorisar sco documents da PDF en Voss DEP persunal. Dapli infurmaziuns davart la sanadad ch’èn deponidas en Voss DEP persunal e pli nizzaivel ch’il DEP è per las persunas spezialisadas dal sectur da sanadad la proxima giada che Vus duvrais in tractament medicinal.

En il DEP persunal dastgan vegnir deponids sulettamain documents da sanadad da la possessura/dal possessur dal DEP. En cas che Vus vulais administrar datas medicinalas per ulteriuras persunas (p.ex. uffants, geniturs, persunas sut curatella u in’autra terza persuna), dovran quellas in agen DEP. Sche Vus na possedais anc nagin access al dossier giavischà sco substituziun DEP, pudais Vus dumandar da fixar ina substituziun DEP. Suandai en quel connex l’instrucziun pass per pass «Agiuntar ina substituziun DEP» sin nossa website.

Duvrar il DEP per deponer datas betg medicinalas è scumandà e po avair per consequenza ch’il DEP vegn deactivà.

 

Ulteriuras infurmaziuns chattais Vus en las FAQ sin questa website. En cas da dumondas tecnicas contactai p.pl. il helpdesk DEP da la regiun Ost che vegn tgirà da la Posta CH SA.

Midar il purschider DEP


Midar il purschider DEP

Instrucziun pass per pass

Possedais Vus gia in DEP tar in’autra cuminanza da referenza e vulais midar a la cuminanza da referenza eSANITA (Uniun eSANITA)?

Tar la midada da la cuminanza da referenza e damai dal purschider DEP, vai per transferir l’access al portal DEP d’ina possessura existenta / d’in possessur existent DEP da la cuminanza da referenza actuala en la Cuminanza da referenza eSANITA.

Sche Vus vulais midar da la Cuminanza da referenza eSANITA ad ina nova cuminanza da referenza, stuais Vus contactar la nova cuminanza da referenza.

Remartga:

  • Questa decleraziun da consentiment per la gestiun dal dossier electronic dal pazient (DEP) tras la Cuminanza da referenza eSANITA entra en vigur pir il mument che la Cuminanza da referenza eSANITA activescha l’access al DEP.
  • Durant la perioda da midada da la cuminanza da referenza actuala (cuminanza oriunda) a la nova Cuminanza da referenza eSANITA  (cuminanza d’arriv) na pon ni la possessura / il possessur DEP ni las persunas spezialisadas dal sectur da sanadad memorisar u acceder als documents medicinals en il DEP. La midada e las restricziuns respectivas duran var 10 dis da lavur.
  • Per la transmissiun (export / import) dals documents ch’ins ha sezza / sez chargià si ed ils documents medicinals che las persunas spezialisadas dal sectur da sanadad han memorisà en il DEP actual è la possessura / il possessur DEP responsabla / responsabel. Ils documents ston vegnir memorisads sin l’agen computer (export) ed en cas da basegn vegnir implementads manualmain (import) en il DEP da la nova Cuminanza da referenza Sidost (cuminanza d’arriv).
  • Faschai attenziun da tegnair en salv en in lieu segir ils documents suenter l’export.
  • Ils dretgs d’access per persunas spezialisadas dal sectur da sanadad u instituziuns sanitaras n’èn betg pli registrads. Suenter la midada a la nova Cuminanza da referenza Sidost ston ils dretgs vegnir attribuids da nov en il portal DEP.
  • Medemamain èn las substituziuns per il DEP d’enfin qua revocadas. Cun agid dal formular da dumonda ston ellas vegnir fixadas da nov. Per uffants sut 16 onns e persunas sut curatella è quest process stringentamain necessari.

Per registrar il DEP a chasa duvrais Vus:

  • PC / laptop / tablet – il process da registraziun stuais Vus far cun in PC / laptop / tablet. Il telefonin duvrais Vus per il process da conferma.
  • stampader – la dumonda d’avrir in DEP emplenida stuais Vus stampar e suttascriver a maun.
  • telefonin – cun in sistem operativ dad Android (versiun 6.0 u pli nova) u dad iOS (versiun 10 u pli nova) per il process da conferma.
    Vossa identitad DEP futura è colliada a moda segira cun il telefonin utilisà.
  • adressa dad e-mail persunala – Vus duvrais in’adressa dad e-mail persunala segira.

Cumprovar il numer da l’AVS (numer da l’assicuranza sociala):

  • carta da l’assicuranza da malsauns svizra (carta da la cassa da malsauns) UBAIN
  • certificat da l’AVS (attest da l’assicuranza sociala)

Cumprovar las datas persunalas:

  • carta d’identitad svizra (ID, carta d’identitad) UBAIN
  • pass svizzer UBAIN
  • legitimaziun d’esters en il format d’ina carta da credit per burgaisas e burgais da l’UE/AECL UBAIN
  • legitimaziun d’esters biometrica en il format d’ina carta da credit per burgaisas e burgais d’in stadi terz cun permissiun da dimora B, C, Ci, G u L UBAIN
  • legitimaziun d’esters en furma stampada (enfin il fanadur 2021) per persunas estras admessas provisoricamain u requirentas e requirents d’asil cun permissiun da dimora F, N, S UBAIN
  • pass ester (en cumbinaziun cun ina permissiun da dimora valaivla). Per pudair cumprovar l’identitad è necessari in ulteriur document d’identitad ester
    UBAIN
  • ulteriuras cartas d’identitad ch’il DFAE ha fatg (avrir in DEP sin basa da talas cartas d’identitad è pussaivel mo davart dal secretariat da l’uniun eSANITA a Cuira).

 

Identitad DEP (MyTrustID):

  • Vus possedais gia in’identitad DEP (MyTrustID)
    Sche Vus possedais gia in’identitad DEP MyTrustID, pudais Vus sursiglir quest pass.
  • Vus na possedais anc nagina identitad DEP (MyTrustID)
    Sche Vus na possedais anc nagina identitad DEP MyTrust u n’avais anc betg fatg la dumonda d’avrir ina tala, suandai il pass «Registraziun online per avrir in’identitad DEP (MyTrustID)».

Registrar online l’identitad DEP (MyTrustID)
Cun questa identitad DEP (MyTrustID) daventa il telefonin ina carta d’identitad digitala DEP che Vus stuais tractar ensemen cun Voss pled-clav persunal da MyTrustID cun grond quità (perdita / apparat defect).

Registrai Vossas datas persunalas tenor Voss documents d’identitad – attenziun: las datas ston esser identicas.

Cliccai sin il link e suandai ils pass:

Registrar online l’identitad DEP (MyTrustID)

  1. Chargiai giu l’app d’autentificaziun MyTrustID en l’AppStore u il PlayStore ubain via il code QR da la pagina colliada.
  2. Faschai in conto tar MyTrustID cun Vossas datas persunalas tenor Voss document d’identitad tschernì.
  3. Sco proxim survegnis Vus in e-mail da noreply@trustid.ch cun in link da conferma.
    Il link è valaivel mo per in’ura.
    Avri il link en il navigatur-web per confermar Vossa adressa dad e-mail.
  4. Vus avais survegnì in SMS sin il numer da telefonin inditgà.
    Endatai il code en il navigatur-web e defini in pled-clav segir. En il futur duvrais Vus quest pled-clav persunal per acceder al DEP.
  5. Suenter che Vus avais definì il pled-clav vesais Vus in code QR en il navigatur-web.
    Avri l’app da MyTrustID sin Voss smartphone.
    Cliccai sin il plus (+) sisum a dretga e scannai il code QR.
  6. Voss telefonin è ussa collià cun las infurmaziuns per acceder al DEP. Vus avais retschavì in numer distinctiv da MyTrustID. Stampai il numer.

Empleni la dumonda da midar a la Cuminanza da referenza Sidost cun Vossas datas persunalas che stattan sin il document d’identitad.

Inditgai il numer distinctiv MyTrustID che Vus avais survegnì era sin il formular – al computer u a maun suenter che Vus avais stampà il formular. Il numer dad 8 cifras chattais Vus er en Vossa app da MyTrustID sin Voss telefonin.

Per motivs legals stuais Vus suttascriver a maun il formular stampà.

Dumonda da fixar ina substituziun per il DEP per uffants sut 16 onns u persunas sut curatella
Per uffants sut 16 onns u persunas sut curatella sto vegnir inoltrada supplementarmain a la dumonda da midar cuminanza da referenza la dumonda da fixar la represchentanza legala sco substituziun DEP. Suandai l’instrucziun pass per pass «Dumonda d’agiuntar ina substituziun DEP».

Remartga

Per la transmissiun (export / import) dals documents ch’ins ha sezza / sez chargià si ed ils documents medicinals che las persunas spezialisadas dal sectur da sanadad han memorisà è la possessura / il possessur DEP responsabla / responsabel. Ils documents ston vegnir memorisads sin l’agen computer (export) ed en cas da basegn vegnir implementads manualmain (import) en il DEP da la nova Cuminanza da referenza Sidost (cuminanza d’arriv).

Tut tenor sche Vus essas en tractament staziunar u betg, As stattan a disposiziun differents posts d’avertura DEP:

  • Sco pazienta staziunara/pazient staziunar en in ospital u ina clinica en la Svizra Orientala As drizzais Vus al post per l’avertura da DEPs al lieu.
  • A l’ulteriura populaziun stattan a disposiziun filialas da la posta tschernidas en la Svizra Orientala.

N’emblidai betg ils suandants documents e las suandantas cumprovas:

  • dumonda d’avrir in DEP – emplenida correctamain e suttascritta a maun
  • Voss telefonin cun l’app d’autentificaziun DEP (MyTrustID)
  • carta da la cassa da malsauns u certificat da l’AVS (attest da l’assicuranza sociala)
  • document d’identitad uffizial valaivel (pass, carta d’identitad, legitimaziun da persunas estras)

Il post d’avertura DEP verifitgescha Vossas indicaziuns ed incumbensescha la cuminanza da referenza actuala cun la midada. Quai dura circa 5 fin 10 minutas.

Suenter vegn deactivà l’access al portal DEP da la cuminanza da referenza actuala ed activà l’access al portal DEP da la Cuminanza da referenza Sidost.

Suenter 5 fin 10 lavurdis survegnis Vus per posta in’instrucziun cun las infurmaziuns d’access inizialas che Vus stuais colliar ina suletta giada – a chasa – cun Vossa identitad DEP (MyTrustID) persunala.

Vus avais survegnì per posta las infurmaziuns d’access per As connectar l’emprima giada cun il DEP (num d’utilisader e pled-clav).

Colliai Vossa MyTrustID cun il portal DEP dad eSANITA en trais simpels pass.

Suandai quests pass p.pl. entaifer 10 dis.

Consultai l’instrucziun «Infurmaziuns per sa connectar cun il dossier electronic dal pazient (DEP)» che Vus avais survegnì per posta:

Pass 1:

  • Giai al portal DEP dad eSANITA.
  • Tscherni «num d’utilisader e pled-clav» sco «metoda d’access» ed endatai las datas d’access temporaras sin l’instrucziun «Infurmaziun per sa connectar cun il dossier electronic dal pazient (DEP)» che Vus avais retschavì.

 

Pass 2

  • Tscherni en la glista da menus «MyTrustID» e cliccai sin «Vinavant». Tscherni lura «Pazient». Endatai ussa Vossas datas d’access persunalas (adressa dad e-mail e pled-clav confidenzial) che Vus avais fixà sezza / sez cun la registraziun da Vossa MyTrustID. Confermai l’annunzia sin Voss telefonin (autentificaziun bidirecziunala).

 

Pass 3

  • A partir dad ussa pudais Vus As connectar adina cun Vossa MyTrustID persunala cun Voss DEP persunal (autentificaziun bidirecziunala).

Utilisar il DEP a moda raschunaivla

Per pudair utilisar il DEP a moda raschunaivla duessas Vus suandar ils pass sutvart:

Verifitgai las datas persunalas sut «Configuraziuns persunalas»
Il DEP persunal è vegnì elavurà cun gronda premura. Verifitgai p.pl. tuttina spert che las datas persunalas sajan cumplettas e correctas. Intginas indicaziuns pudais Vus er adattar sezza / sez en il portal DEP.

Activar avis sut «Configuraziuns persunalas»
Vulais Vus survegnir in avis automatic, sch’ina persuna spezialisada dal sectur da sanadad acceda cun agid da l’access d’urgenza a Voss DEP persunal? U vulais Vus vegnir infurmada resp. infurmà, cura ch’ina nova persuna spezialisada dal sectur da sanadad vegn agiuntada ad ina gruppa autorisada? Per survegnir in avis per e-mail e / u in SMS pudais Vus adattar las configuraziuns correspundentas en il punct da menu «Configuraziuns/Avis».

Dar ils dretgs d’access ad instituziuns sanitaras u persunas spezialisadas dal sectur da sanadad responsablas:
Per ch’il DEP saja d’avantatg, duessas Vus permetter ad instituziuns sanitaras e persunas spezialisadas dal sectur da sanadad d’acceder a Voss DEP persunal. En il portal DEP eSANITA vesais Vus sulettamain las instituziuns sanitaras che sa participeschan actualmain al DEP.

Impurtant: Dai a temp ils dretgs d’access, per exempel avant che ir en l’ospital, per che las persunas spezialisadas dal sectur da sanadad autorisadas possian consultar ils documents che Vus avais dà liber en il DEP persunal! Quai pudais Vus far en la suandanta vista dal monitur:

 

Memorisar Voss documents medicinals persunals en il DEP:
A partir dad ussa pon las instituziuns sanitaras che sa participeschan al DEP metter a disposiziun las datas medicinalas relevantas per il tractament en Voss DEP persunal. Avais Vus documents medicinals pli vegls a chasa, sco per exempel rapports dal medi, prescripziuns da tgira u recepts actuals per medicaments? Era quels pudais Vus chargiar si e memorisar sco documents da PDF en Voss DEP persunal. Dapli infurmaziuns davart la sanadad ch’èn deponidas en Voss DEP persunal e pli nizzaivel ch’il DEP è per las persunas spezialisadas dal sectur da sanadad la proxima giada che Vus duvrais in tractament medicinal.

En il DEP persunal dastgan vegnir deponids sulettamain documents da sanadad da la possessura/dal possessur dal DEP. En cas che Vus vulais administrar datas medicinalas per ulteriuras persunas (p.ex. uffants, geniturs, persunas sut curatella u in’autra terza persuna), dovran quellas in agen DEP. Sche Vus na possedais anc nagin access al dossier giavischà sco substituziun DEP, pudais Vus dumandar da fixar ina substituziun DEP. Suandai en quel connex l’instrucziun pass per pass «Agiuntar ina substituziun per il DEP» sin nossa website.

Duvrar il DEP per deponer datas betg medicinalas è scumandà e po avair per consequenza ch’il DEP vegn deactivà.

 

Ulteriuras infurmaziuns chattais Vus en las FAQ sin questa website. En cas da dumondas tecnicas contactai il helpdesk da la regiun Ost che vegn tgirà da la Posta CH SA.

Adattaziuns per possessuras / possessurs DEP sur 12 onns


Adattaziuns per possessuras / possessurs DEP sur 12 onns

Cun 12 onns has ti la pussaivladad da dumandar per in agen access a tes DEP persunal, d’al stizzar u d’agiuntar in’ulteriura substituziun DEP.

Adattaziuns per possessuras / possessurs DEP sur 16 onns


Adattaziuns per possessuras / possessurs sur 16 onns

Cun 16 onns has ti la pussaivladad da dumandar per in access a tes DEP existent, d’al stizzar u d’agiuntar u stizzar substituziuns DEP.

Surpigliar in'avugadia


Surpigliar in’avugadia

Sche Vus surpigliais in’avugadia per ina persuna betg abla da giuditgar (persuna sut curatella), pudais Vus avrir in DEP per la persuna sut curatella u dumandar da surpigliar la substituziun per in DEP existent. Plinavant pudais Vus far la dumonda da stizzar las substituziuns DEP actualas.

Fin d'ina avugadia


Fin d’ina avugadia

Vossa avugadia vegn annullada. Uss avais Vus la pussaivladad da survegnir access a Voss DEP existent, da stizzar Voss DEP u d’agiuntar e stizzar las substituziuns DEP.