Daventar commember da l’Uniun eSANITA

Jau vi daventar commember da l’Uniun eSANITA sco furnitur da prestaziuns staziunaras u sco represchentant dal sectur da la sanadad publica. Ils detagls davart la commembranza èn fixads en ils statuts. Per dumondas davart las contribuziuns da commembradi as drizzai directamain al secretariat da l’uniun.

Commember activ

Commember singul

Furniturs da prestaziuns staziunaras ed ambulantas sco ospitals, chasas d’attempads e da tgira, clinicas da reabilitaziun, clinicas psichiatricas, Spitex, labors, instituts da radiologia, apotecas, praticas da medi, terapeutas e terapeuts sco era persunas spezialisadas dal sectur da sanadad independentas.

Nus distinguin tranter commembers singuls activs che giavischan mo ils servetschs digitals tranter persunas spezialisadas dal sectur da sanadad (process B2B) e quels che sa collieschan ultra da quai era al dossier electronic da pazient (DEP) persunal da la Cuminanza da referiment Sidost (CR-SO).

Commember collectiv

Organisaziuns che represchentan ils furniturs da prestaziuns sanitaras u persunas spezialisadas dal sectur da sanadad independentas.

Commember passiv

Acturs dal sectur da sanadad che s’engaschan per realisar il dossier electronic dal pazient persunal (chantuns, organisaziuns dals pazientas e pazients, etc.).