Il dossier electronic dal pazient (DEP) en la Svizra Sidorientala

Transparenza, segirezza e qualitad dal provediment da sanadad.

Il DEP en furma concisa


Il dossier electronic dal pazient (DEP)

Persunal, segir, transparent

En il dossier electronic dal pazient èn las gistas infurmaziuns davart la sanadad disponiblas en il dretg mument – fidablas e segiras. Quai ha avantatgs tant per las pazientas / il pazients sco per las persunas spezialisadas dal sectur da sanadad.

Las infurmaziuns da sanadad persunalas tutgan a mintga singula burgaisa e mintga singul burgais…

Impurtant: Quant derasà è il DEP persunal oz e tge cuntegna el?

Il DEP crescha pass per pass. En in’emprima fasa oblighescha la Confederaziun ils ospitals e las clinicas da participar al DEP. Els memoriseschan (ma betg retroactivamain) copias dals documents medicinals da midada e d’extrada relevants en il DEP. Uschia ha la pazienta resp. il pazient invista a quests rapports medicinals persunals suenter mintga tractament medicinal.

Actualmain porschan var 20 ospitals e clinicas quest servetsch. Adina dapli furniturs da prestaziuns sanitarias staziunars – era chasas d’attempads e da tgira – sa participeschan al DEP.

Oz na sa participeschan medias e medis da chasa, apotecas, terapeutas e terapeuts, etc. tenor la lescha anc betg al DEP e na memoriseschan damai nagins documents medicinals en il DEP. Natiralmain pudais Vus pretender ils rapports medicinals e memorisar els en Voss DEP.

Il DEP vegn protegì da la Lescha federala davart il dossier electronic dal pazient (LDEP).

Ils avantatgs dal dossier electronic dal pazient

Tgi che sa dapli, sa far meglier – per la populaziun da la Svizra Sidorientala signifitga il DEP: meglra infurmaziun, dapli transparenza, dapli cumpetenza a reguard la sanadad, dapli participaziun, mo era dapli segirezza ed effizienza da las tgiras medicinalas. E per las persunas spezialisadas dal sectur da sanadad: infurmaziuns pli spertas, megliera communicaziun interdisciplinara, dapli efficacitad ed effizienza.

En il DEP stattan a disposiziun copias dals documents medicinals da midada e d’extrada relevants sco era las datas ed infurmaziuns da sanadad rimnadas individualmain.

Tgi che po consultar questas datas ed infurmaziuns dal DEP, decida sulettamain la possessura / il possessur DEP. Uschia statti scrit en la Lescha federala davart il dossier electronic dal pazient.

Tgi che ha dapli infurmaziuns, è pli cumpetent. Quai vala en spezial era per la populaziun: las pazientas ed ils pazients han dapli infurmaziuns en connex cun lur tractament medicinal, els / ellas èn uschia integrads meglier en la planisaziun terapeutica. Ma era la populaziun sauna po duvrar il DEP sco archiv digital  dals documents medicinals persunals.

Il dossier electronic dal pazient è ina funtauna segira per las datas da sanadad

Il dossier electronic dal pazient (DEP) è protegì da la Lescha federala davart il dossier electronic dal pazient (LDEP). La lescha reglescha ils dretgs ed ils duairs da la populaziun, da las persunas spezialisadas dal sectur da sanadad e da lur instituziuns medicinalas en il diever dal DEP.

Las directivas davart la protecziun e la segirezza da las datas en connex cun il dossier electronic dal pazient èn rigurusamain reglamentadas da la lescha federala.

Ellas vegnan controlladas regularmain dad organs da controlla independents.

Il dossier electronic dal pazient en il mintgadi da la populaziun

Il dossier electronic dal pazient (DEP) As accumpogna per tut la vita. El cuntegna las datas e las infurmaziuns davart las tgiras medicinalas ed è a disposiziun da las persunas spezialisadas dal sectur da sanadad en cas da necessitad – per exempel en situaziuns d’urgenza medicinala. Las datas davart la sanadad èn segiras en il DEP grazia a la Lescha federala davart il dossier electronic dal pazient (LDEP).

Suveranitad dal DEP

La suveranitad dal DEP appartegna exclusivamain a la possessura / al possessur DEP. Sulettamain ella / el decidais tge persunas spezialisadas dal sectur da sanadad involvidas en il tractament – actualmain mo ospitals e clinicas – che han access a sias datas da sanadad persunalas.

Il DEP en cas d’urgenza medicinala

Grazia a l’access d’urgenza che pussibilitescha a las persunas spezialisadas dal sectur da sanadad d’acceder als documents medicinals impurtants, sustegna il dossier electronic dal pazient il tractament medicinal en in cas d’urgenza medicinala.

L’access d’urgenza al dossier electronic dal pazient persunal vegn protocollà a moda speziala.

Esser saun e restar saun

Infurmaziuns da sanadad na resultan betg mo d’in tractament medicinal – pia betg mo cura ch’ins è malsaun e vul vegnir saun – mabain era cura ch’ins è saun e vul restar saun. Vus pudais pia era sezza / sez memorisar documents medicinals impurtants en Voss DEP.

Il DEP oz ed en l'avegnir


Ils avantatgs dal DEP eSANITA oz ed en l’avegnir

Stadi dal DEP en la fasa d’introducziun

Dapi il december 2020 è l’uniun eSANITA ina purschidral DEP certifitgada tenor las prescripziuns da la Lescha federala davart il dossier electronic dal pazient (LDEP). A partir d’immediat po la populaziun dal Grischun, dal chantun da Glaruna, da l’Appenzell Dadens sco era da l’Appenzell Dadora e da la Val dal Rain Songagliaisa avrir gratuitamain in DEP persunal en filialas da la posta tschernidas e – sco pazienta resp. pazient – en ospitals e clinicas.

Impurtant: Quant derasà è il DEP persunal oz e tge cuntegna el?

Il DEP crescha pass per pass. En in’emprima fasa oblighescha la Confederaziun ils ospitals e las clinicas da participar al DEP. Els memoriseschan (ma betg retroactivamain) copias dals documents medicinals da midada e d’extrada relevants en il DEP. Uschia ha la pazienta resp. il pazient invista a quests rapports medicinals persunals suenter mintga tractament medicinal.

Actualmain porschan var 20 ospitals e clinicas quest servetsch. Adina dapli furniturs da prestaziuns sanitarias staziunars – era chasas d’attempads e da tgira – sa participeschan al DEP.

Oz na sa participeschan medias e medis da chasa, apotecas, terapeutas e terapeuts, etc. tenor la lescha anc betg al DEP e na memoriseschan damai nagins documents medicinals en il DEP. Natiralmain pudais Vus pretender ils rapports medicinals e memorisar els en Voss DEP.

Il DEP vegn protegì da la Lescha federala davart il dossier electronic dal pazient (LDEP).

Dumondas frequentas


Vossas dumondas en connex cun il dossier electronic dal pazient …

Il dossier electronic dal pazient (DEP) vegn introducì pass per pass en diversas regiuns da la Svizra. eHealth Suisse – il Center da cumpetenza e coordinaziun da Confederaziun e Chantuns – ha resumà la dumondas pli impurtantas davart il DEP.

Infurmaziuns per persunas spezialisadas dal sectur da sanadad


Il dossier electronic dal pazient ed ils avantatgs per persunas spezialisadas dal sectur da sanadad …

Il dossier electronic dal pazient (DEP) s’integrescha en la rait digitala da las gruppas d’interess da la sanadad publica – populaziun inclusa; ina rait da sanadad cuminaivla ed orientada vers l’avegnir.

Las persunas spezialisadas dal sectur da sanadad profiteschan indirectamain dal DEP:

  • Access pli rapid, senza sviadas, a las datas ed als documents en connex cun las tgiras medicinalas da las pazientas / dals pazients
  • Optimaziun dals process, effizienza da las tgiras medicinalas e coordinaziun pli simpel cun autras persunas spezialisadas en il sectur da la sanadad
  • Dapli participaziun da las pazientas / dals pazients en las tgiras medicinalas e dapli aderenza terapeutica

Il DEP creescha in spazi da fiduzia tecnicamain standardisà per las datas medicinicas da la populaziun, ch’è organisatoricamain renconuschì.

La digitalisaziun da la sanadad publica na sa limitescha betg mo al DEP. Las persunas spezialisadas en il sectur da la sanadad dependan ultra da quai particularmain da process da communicaziun digitalisads tranter spezialistas / spezialists – ils uschenumnads «servetschs eHealth» u «servetschs B2B».

L’Uniun eSANITA metta per quai a disposiziun da las persunas spezialisadas en il sectur da la sanadad «servetschs B2B» specifics, sco per exempel l’uschenumnà «barat electronic da rapports (eBerichtsaustausch)» cun ils partenaris da tgira a munt e val. Las datas medicinalas e las infurmaziuns en connex cun las tgiras medicinalas che vegnan tramessas da specialist a specialista èn memorisads – grazia a l’uschenumnada «avischinaziun duala» – simultana- ed automaticamain era en il DEP – il tut confurm a la lescha.

Il avantatgs èn substanzials:

  • per ils furnitur da prestaziuns staziunaras che vulan digitalisar lur process da communicaziun e che duain sa participar al sistem DEP naziunal;
  • per ils furnitur da prestaziuns ambulantas che vulan digitalisar lur process da communicaziun e che na duain betg sa participar al sistem DEP naziunal;
  • e per la populaziun che profitescha da quest’«avischinaziun duala», pertge che las gistas infurmaziuns davart la sanadad èn avant maun automaticamain al dretg mument en il DEP – fidablas, segiras, actualas.

Helpdesk DEP ed infoline


Helpdesk DEP ed infoline

Helpdesk DEP ed instrucziuns da diever

L’instrucziun da diever «Co far diever dal portal DEP per pazientas e pazients» è disponibla sin nossa website.

En cas da dumondas tecnicas As stat a disposiziun il helpdesk DEP da la regiun Sidost che vegn tgirà da la Posta CH SA.

Telefon
0800 88 55 00
(tgirà da la Posta CH SA)
Numer da telefon gratuit via la rait fixa svizra.

Il helpdesk è cuntanschibel
glindesdi – venderdi, 07.00 – 19.00
sonda, 07.30 – 13.00

E-mail
support.esanita@post.ch

Linguas
tudestg, talian, franzos

 

Dumondas davart il cuntegn da Voss DEP persunal

Sche Vus avais dumondas davart il cuntegn dals documents medicinals en Voss DEP persunal, contactai p.pl. directamain la persuna spezialisada dal sectur da sanadad che tracta Vus en l’ospital u en la clinica e che ha memorisà ils documents en Voss DEP (p.ex. medi da l’ospital).

Tenor la lescha federala èn ils ospitals e las clinicas obligadas da memorisar en Voss DEP ils documents medicinals da midada e d’extrada impurtants (p.ex. rapport d’operaziun, analisas dal laboratori, etc.) ch’els tramettan ad autras persunas spezialisadas dal sectur da sanadad externas (p.ex. medi da chasa).

Oz na participeschan medias e medis da chasa, apotecas, terapeutas e terapeuts, etc. tenor la lescha anc betg al DEP e na deponan damai nagins documents medicinals en il DEP. Natiralmain pudais Vus pretender ils rapports medicinals e memorisar els en Voss DEP persunal.

Impurtant: il post d’infurmaziun DEP dad eSANITA n’ha nagin dretg da consultar Voss DEP persunal.

Support per l’identitad DEP MyTrustID

Dumondas e respostas davart Vossa MyTrustID chattais Vus en las FAQs MyTrustID.

Sche Vus midais telefonin, stuais Vus l’emprim As annunziar cun Voss telefonin vegl en Voss conto MyTrustID per transferir Vossa MyTrustID sin Voss telefonin nov. Las infurmaziuns per far quai chattais Vus en l’instrucziun MyTrustID.

Sche Vus avais pers Voss telefonin u sch’el è defect, contactai p.pl. directamain il support MyTrustID.

Post d’infurmaziun DEP per la populaziun

Dumondas e respostas generalas davart il DEP dad eSANITA chattais Vus en las FAQ sin nossa website.

Infurmaziuns generalas davart il DEP survegnis Vus per e-mail, telefon u durant in termin persunal.

Scleriment per telefon
davart dumondas generalas en connex cun il DEP en la Svizra Sidorientala

mesemna, 13.30 – 17.00

Telefon 081 354 00 12

 

Fixar in termin
Il post d’infurmaziun DEP dad eSANITA As infurmescha er al spurtegl 3 da la recepziun da pazientas e pazients en l’Ospital chantunal dal Grischun a Cuira, mintgamai
gievgia da las 13.30-17.00*.

*Nus supplitgain Vus da fixar ordavant in termin per telefon – resguardai p.pl. ils temps che nus dain scleriment al telefon.